म्हणे S
“सरकार आता आपलं आहे”
हे आपलेपण कुठलं आहे ?
स्वातंत्र्याची काय गत
ते तर कधीच विकलं आहे
वाघासम भासे नेता, पण
त्यात गिधाड लपलं आहे
बातम्यांना येई पूर
त्यात सत्य छापलं आहे ?
नवीन वचने नविन भाषण
पुन्हा जाळं फेकलं आहे
दिशाहीन हे राजकारण
उतलं आहे मातलं आहे
अल्लड प्रजा उनाड राजा
पेरलं तेच पिकलं आहे
लोकशाहीच्या मानगुटीवर
भांडवल-भूत बसलं आहे
नीतिमत्तेच्या सहाय्ये
आजवर कोण जिंकलं आहे?
“माझा देश माझे बांधव”
सारं काही संपलं आहे
No comments:
Post a Comment